Máquinas gravadoras de soños, turistas en problemas, pratos de gastronomía radical, conspiracións absurdas, un grupo de punk frustrado, documentos de distopías utópicas, escenas de risco, fallos de memoria, reformas laborais extremas e psiquiatras tolos, entre outros personaxes e situacións, mestúranse nestes relatos satíricos e críticos, onde se empregan o sarcasmo, a ironía, a farsa e a provocación para construír unhas narrativas cheas de humor negro e imbuídas dun certo espírito punk.
